"Әліппемен қоштасу"ертеңгілігі

Желтоқсан айының 27-сі күні 1-сынып оқушыларымен «Қош бол,Әліппе» -тақырыбында ашық сынып сағаты өткізілді. Мақсаты: Оқушылардың әліппеден алған білімдерін ортаға салу. Оқушыларды ана тілі оқулығымен таныстыру және өзін-өзі басқаруға үйрету. Оқушылар Әнұранды айтып ертеңгілікті бастады.Мектебіміздің басшысына сөз берілді.Ортаға Әліппе шақырылып ,оқушылар ары қарай тақпақ,өлеңдерін айтып жалғастырды.Ортаға Әліппе кітабы –оқушылардың оқи-жаза алатынына көзін жеткізу үшін «Қолшатыр » әдісін ала келіпті.Ортаға «Ана тілі» кітабы келіп,оқушыларға тілегін айтып,енді одан да көп оқитындарын ескертіп,«Ана тілі» кітабын табыстады.Сонымен қатар ата-аналарға түрлі ойын түрлері ойнатылып ,ой ұшқырлығына құрылған есептер берілді.